మన smartphone కెమెరా ద్వారా మనం క్యాప్చర్ చేసుకునే ఫోటోలను ఎడిట్ చేయడం కోసం రకరకాల అప్లికేషన్లు గూగుల్ ప్లే స్టోర్ మరియు ఆపిల్ స్టోర్ నుండి డౌన్లోడ్ చేసుకుని వాడుతూ ఉంటాం.
అయితే ప్రముఖ ఫోటో ఎడిటింగ్ సంస్థ Adobe ఒక శక్తివంతమైన అప్లికేషన్ తీసుకు రాబోతోంది. ఇది మనం క్యాప్చర్ చేసిన ఫోటోలను మన ప్రమేయం లేకుండా ఆటోమేటిక్గా అవసరమైన అడ్జస్ట్మెంట్ లు చేసి మెరుగ్గా కనిపించే విధంగా ఎడిట్ చేస్తుంది. Adobe సంస్థ డెవలప్ చేసిన Adobe Sensei అనే ఆర్టిఫిషియల్ ఇంటెలిజెన్స్ ఆధారంగా పనిచేసే టెక్నాలజీని ఉపయోగించి ఇది పనిచేస్తుంది.
ఇప్పటికే అడోబ్ ఫోటోషాప్ లేటెస్ట్ వెర్షన్ వాడుతున్న వారికి అందులో Select Subject అనే ఒక ప్రత్యేకమైన ఫీచర్ ప్రవేశపెట్టబడిన విషయం తెలిసిందే. ఒక ఫోటో లో ఉండే మనకు కావాల్సిన సబ్జెక్ట్ ను చాలా సులభంగా క్షణాల్లో సెలెక్ట్ చేసుకోవడం కోసం ఈ ఆప్షన్ ఉపయోగపడుతుంది. గతంలో ఇలా సెలెక్ట్ తీసుకోవాలంటే ఫోటోషాప్ లో ఉండే అనేక టూల్స్తో కుస్తీ పడాల్సి వచ్చేది.
Photoshop Camera అని పిలవబడే కొత్త అప్లికేషన్ దాదాపు జనవరి 2020 లో ఆండ్రాయిడ్ మరియు ఐఓఎస్ ఆపరేటింగ్ సిస్టం వాడే యూజర్లకు అందుబాటులోకి వస్తుందని తెలుస్తోంది. ఈ అప్లికేషన్ ఉపయోగించి నేరుగా ఫోటోలను క్యాప్చర్ చేసుకోవచ్చు, వాటిని ఎడిట్ చేసుకోవచ్చు, అలాగే తలకు షేర్ కూడా చేసుకోవచ్చు. ఇదంతా నేరుగా వ్యూ ఫైండర్ ద్వారా పూర్తి చేసుకునే అవకాశం కూడా లభిస్తుంది.
ఈ అప్లికేషన్ మీరు షూట్ చేస్తున్న ఫోటోలను ఆటోమేటిక్ గా గుర్తించి, వాటికి ఆటోమేటిక్ గా డైనమిక్ రేంజ్ అప్లై చేయడం, మొహంలోని వివిధ భాగాలకు నిర్దిష్టమైన కలర్ టోన్స్ అప్లై చేయడం, అనేక ఇతర అడ్జస్ట్మెంట్ లను చేస్తుంది. అంతేకాదు మీ ఒరిజినల్ ఫోటో చెక్కుచెదరకుండా దాన్ని కూడా అదనంగా ఒక కాపీ గా సేవ్ చేస్తుంది.
గమనిక: Whatsappలో అన్ని లేటెస్ట్ Tech Updates కోసం
https://chat.whatsapp.com/EfkYnksROukEjBYCSVpelG అనే గ్రూప్లో జాయిన్ అవండి.
లేదా గమనిక: Telegramలో వాడేవారు లేటెస్ట్ Tech Updates కోసం
https://t.me/technews_latest అనే ఛానెల్లో జాయిన్ అవండి. దీనికోసం మీ phoneలో Telegram యాప్ ఇన్స్టాల్ చేసుకుని ఆ లింక్ క్లిక్ చేయండి.
Comments
Post a Comment