మీ దగ్గర ఉన్న android phoneని ఉపయోగించి మీ కంప్యూటర్ ని కంట్రోల్ చేసుకోవాలంటే అనేక అప్లికేషన్స్ అందుబాటులో ఉన్నాయి. వాటిలో కొన్నిటి గురించి ఇప్పుడు చూద్దాం.
Remote Mouse
ఆండ్రాయిడ్ మరియు ఐఓఎస్ ఆపరేటింగ్ సిస్టమ్ల కోసం ఈ అప్లికేషన్ అందుబాటులో ఉంటుంది. దీన్ని పూర్తి ఉచితంగా వాడుకోవచ్చు. https://remotemouse.net/ అనే వెబ్ సైట్ నుండి దీనికి సంబంధించిన సర్వర్ అప్లికేషన్ డౌన్లోడ్ చేసుకుని మొదట మీ పీసీలో ఇన్స్టాల్ చేసుకోవాలి. ఆ తర్వాత మీ ఫోన్లో దానికి సంబంధించిన క్లైంట్ అప్లికేషన్ను ఇన్స్టాల్ చేసుకుని మీ ఫోన్ మరియు pc ఒకే వై-ఫై నెట్వర్క్ కి కనెక్ట్ అయి ఉన్నప్పుడు, మీ పీసీని నేరుగా మొబైల్ ఫోన్తో కంట్రోల్ చేసుకోవచ్చు. లెఫ్ట్ మరియు రైట్ క్లిక్, ఇతర ఆప్షన్లతో మీ కంప్యూటర్ నుండి నేరుగా మొబైల్ ఫోన్ నుండి ఈ అప్లికేషన్ ద్వారా నియంత్రించుకోవచ్చు.
KiwiMote
గూగుల్ ప్లే స్టోర్ లో బాగా పాపులర్ అయిన
అప్లికేషన్ ఇది. విండోస్, లైనెక్స్, Mac ఆపరేటింగ్ సిస్టం లో కి సంబంధించిన
కంప్యూటర్లను ఈ అప్లికేషన్ ద్వారా నేరుగా ఫోన్ తో కంట్రోల్ చేసుకోవచ్చు. కేవలం 2MB పరిమాణం కలిగిన
సర్వర్ యాప్ని మీ పీసీలో ఇన్స్టాల్ చేసిన
తర్వాత దానికి సంబంధించిన క్లయింట్ కూడా మొబైల్లో ఇన్స్టాల్ చేసి ఇకమీదట నేరుగా
వైఫై ద్వారా మీ పిసిని మీ ఫోన్ ద్వారా కంట్రోల్ చేసుకోవచ్చు. దీంట్లో కీబోర్డ్, మౌస్, గేమ్ప్యాడ్ వంటి
అనేక రకాల ఆప్షన్స్ లభిస్తాయి. దీన్ని ఉచితంగా డౌన్లోడ్ చేసుకోవచ్చు.
గమనిక: Whatsappలో అన్ని లేటెస్ట్ Tech Updates కోసం
https://chat.whatsapp.com/EfkYnksROukEjBYCSVpelG
అనే గ్రూప్లో జాయిన్
అవండి.గమనిక: Whatsappలో అన్ని లేటెస్ట్ Tech Updates కోసం
Unified Remote
పైన చెప్పబడిన అప్లికేషన్స్ మాదిరిగానే దీంట్లో కూడా పీసీలో ఒక సర్వర్ అప్లికేషన్ ఇన్స్టాల్ చేసుకోవాలి. అలాగే మొబైల్ లో దాని క్లయింట్ ఇన్స్టాల్ చేసుకోవాలి. దీని సాయంతో కీబోర్డ్ మౌస్ మరియు వేల్యూమ్ బటన్లని పొందవచ్చు. దీంట్లో పెయిడ్ మరియు ఫ్రీ వెర్షన్లు మనకు లభిస్తాయి. పెయిడ్ యాప్లో వాయిస్ కమాండ్స్, అలాగే అప్లికేషన్ కష్టమైజ్ చేసుకునే వెసులుబాటు, 90కి పైగా రిమోట్లు వంటి అనేక అదనపు సదుపాయాలు లభిస్తాయి. దీన్ని ఈ లింక్ నుండి డౌన్లోడ్ చేసుకోవచ్చు.

Comments
Post a Comment